Tá vit tóku við leiðsluni í Tórshavnar kommunu, settu við okkum fyri, at Brennistøðin skuldit lúka framkomin umhvørviskrøv. Vit fóru beinanvegin undir at dagføra Brennistøðina. Støðin er albøtt, filtur er sett á skorsteinin, og ovnurin er høvuðsumvældur. Nú umstøðurnar á brennistøðini eru munandi bøttar, verður mett at livitíðina hjá støðini er økt við einum 10 árum. Um vit minka um burturkastið og endurnýta meira, heldur hon vónandi enn longri.
Ein høll er bygd á endurnýtsluplássinum, soleiðis at vandamikið burturkast verður handfarið betri á staðnum. Vit keyptu grannabygningin, sum var bilverkstaður, til m.a. at umhvørvisviðgera bilvrak, áðrenn tey fara í jarnpressuna.
Veri eg afturvald, vil eg framhaldandi virka fyri, at umstøðurnar á brennistøðini framvegis verða dagførdar, soleiðis at vit fylgja teimum krøvum sum verða setta eini slíkari støð.